Sara, Rojbin eta Ronahi Gogoan, Jin Jiyan Azadi!
Sara, Rojbin eta Ronahi Gogoan, Jin Jiyan Azadi!
Urtarrilak 14eko arratsaldean Baionako Gobernu frantsesaren Suprefeturan elkartu ginen 50 bat pertsona, Parisen duela 10 urte izandako hilketa hirukoitza salatzeko, non Sakine Cansiz,
Fidan Dogan eta Leyla Söylemez erail zituen MIT zerbitzu sekretu
turkiarrak. Hain zuzen
ere, Sakine Cansiz PKK kurdistango langileen alderdiko emakumeen
borrokaren erreferente handia zen, eta Fidan Dogan eta Leyla Söylemez
kide zituen emakumeon askapen borrokan.
Duela 10 urteko eraso latz hark, zigorgabe jarraitzen du gainera.
Erailketa materialki burutu zuen mertzenario, MIT zerbitzu sekretuak
infiltratua, era susmagarrian hil zen espetce frantses batean. Aitzakia
honekin, estatu frantziarrak eraso honi ezikusi egin eta ikerketak
bertan behera utzi zituen.
Honegatik, aurten, hilketa haien 10.urteurrenean, estatu frantsesaren
impunitate politika salatzeko bildu gara frantses gobernuak gure herrian duen ordezkapenen
nagusiaren aurrean. Aise gerturatu dira, herri kurduarekin, bere
askapen mugimenduarekin eta proposatzen duen bizitza askerako
aukerarekin solidario diren euskal herritarrak eta komunitate kurduko pertsona ugari.
Izan ere, ez zaizkigu arrazoiak falta. Emakumeen borroka goratzeko,
kurdistanekiko elkartasuna adierazteko eta baita turkiarekiko
konplizitate eta zigorgabetasunari erantzuteko arrazoiak historian eta
gure memorian ez ezik, azken hilabeteko aktualitatean aurkitu ditzakegu.
Batetik, ekialdeko kurdistan (Rojhelat) eta Irango matxinadetan
Emakumea, Bizitza Askatasuna leloa, hiru kide erailek zerabilten bera,
indartsu entzun da, eta baita jazarria ere. Borroka deiadar honekin bat
egin nahi izan dugu urtarrileko ekitaldian.
Bestalde, okupazio indar turkiarrak eta indar inperialistek kurdistango
lurralde askatuak irmo erasotzen jarraitzen dute. Ipar kurdistanen
(bakur) genozidio politikoak ehundaka politikari espetxeratu ditu azken
asteetan. Mendebaldeko kurdistanen (Rojava) bombardaketak eguneroko egin
dira, herritar erresistentziaren aurrean. Hego kurdistanen (bashur)
gerrilarien erresistentzia garaitzeko basakeria militarrak (arma
kimikoen erabilera barne) ugaritu dira.
Azkenik, jakina izan den bezala, dela egun gutxi kurduen aurkako erasoa
bizi izan da Parisen. Beste hiru kide erail ditu faxista batek bertan:
Emine Kara emakumeen askapenerako militantea M. Şirin Aydın musikaria
Abdurrahman Kızıl errefuxiatu kurdua. Mediatikoki erasoaren muina
ezkutatu bada ere, apur bat ikertu ezkero egilearen atzean argia da
MITen itzala. Duela hamar urte bezala, estatu frantsesak ezikusia egitea
hautatu du eta, are, manifestari kurduak erasotu ditu azken egunotan.
Guzti hauek eta gehiago kontuan hartuta, mobilizatzeko deia zabaldu genuen, eta herritar andana bateratu da Baionan.
Elkartasunez jokatu eta estatu frantsesa sala dezagun! Emakumea, bizitza
eta askatasuna!